Ana içeriğe atla
Xoşgəldin, Şəhidim! 

Torpaq müqəddəsdir, deyərlər... Onu müqəddəs edən sənin qanındır, Şəhidim. Sən canından can verdin Vətənə, Vətən oldun. Vətənsizlər nə bilər,sənin dəyərini. 

Biz “Vətən”,- dedik, sən onun uğruna əlində silah düşmənə sinəni sipər etdin. Biz “Bayraq”,- dedik, sən onun qürurla dalğalanması üçün canını fəda etdin. Və zirvəyə qalxdın...

Düşünmədin arxanda ağlar qoyduğun ananı... İstinə həsrət qalan, qoxunu özləyən yarını... Bəlkə də üzünü belə görmədiyin ana bətnində əmanət körpəni...


Sevdiyin torpağa qarışdığında cansız bədənin, cənnət qoxar ətraf. O qoxunu ciyərlərinə çəkən yarının üsyan edən ruhuna bir məlhəm olar, bəlkə... 

Sən ölümün üstünə dimdik yürüdün, ölüm isə sənin üçün yeni bir başlanğıc oldu. Şəhadət şərbətini içərək, Peyğəmbər qatına ruhun yüksələrkən ölümlərdən ən ucasını, şərəflisini daddın. 

Utanıram, Şəhidim. Hələ də sənin uğruna canını verdiyin bu torpaqların düşmən tapdağında olmasından utanıram. 

Anan gizlin-gizlin şəklini qucaqlayıb ağlayarkən, atan kimsə görməsin deyə, bir kənara çəkilib nəm gözlərini ovuclarının içinə sıxarkən, yarın hər gecə yatdığında birlikdə baş qoyduğunuz yastığı göz yaşları ilə isladıb, ondan sənin qoxunu alarkən, övladın göylərə baxıb buludlar içində simandan bir nişanə ararkən..., kefdə-damaqda olan zatıqırıqlara görə utanıram...

Sənin bizə əmanət etdiyin əzizlərinin gözlərinin içinə baxmaqdan utanıram... 

Yox, sanma ki, unudur, unutdururuq. Sadəcə, unudanlara göz yummaqdan utanıram. Sən Vətən üçün, bizim üçün Şəhid olarkən, Səni görməzdən gələnlərdən utanıram...

Qalx Şəhidim, qalx. Qalx və bayraq ol, parçalanmış, bağrı al qan yurdumun dörd bir tərəfində azad dalğalan. Səninlə qürur duyur, bu cənnət vatan...

Yorumlar

Yorum Gönder

Bu blogdaki popüler yayınlar

Erməni terrorunun 17 ismi

Erməni terrorizmi hələ 19-cu əsrdən başlayaraq beynəlxalq terrorun tərkib hissəsinə çevrilib. Bununla əlaqədar olaraq 1885-ci ildə ilk erməni terror təşkilatı – “Armenakan” yaradılmış, daha beş il sonra “Hnçaq” və “Daşnaksütyun” bu sıraya qoşulmuşdur. Yaradılan terror təşkilatlarının başlıca məqsədi qədim türk yurdlarının hesabına xəyali “Böyük Ermənistan” qurmaq və bu ərazilərdə yaşayan yerli türklərə qarşı soyqırım həyata keçirmək idi.  Məhz həmin dövrdən başlayaraq ermənilərin terror şəbəkəsi erməni qriqoryan kilsəsinin və Çar Rusiyasının da aktiv dəstəyi ilə şəbəkələşərək Azərbaycan və Türkiyənin Anadolu vilayətlərində yerli türk əhaliyə qarşı müxtəlif səpkidə terror aksiyaları həyata keçirməyə başladırlar. Müəyyən qədər qərbin imperialist qüvvələri tərəfindən dəstəklənən bu qruplaşmalar, Osmanlı ərazilərində ixtişaşlar törədərək birinci dünya müharibəsi illərində sözün həqiqi mənasında türk dövlətini arxadan vurmaqla, imperiyanın zəifləməsi və dağılması üçün ciddi fəaliyyətdə ...
Yorum Gönder
Ardı »

Roma papasının məktubu

İstanbulun fəthindən sonra Avropada yeni bir xaç yürüşü təşkil etmək fikri gündəmə gəldi. Bu ideyanı reallığa çevirmək məqsədi ilə V Nikol və III Kalikst papalıqları dönəmində səylə xristian birliyi qurmağa çalışsalar da, bir nəticə hasil olmadı. III Kalikst 1458-ci ilin avqust ayında vəfat etdikdən sonra, yerinə tarixdə II Piy adı ilə tanınan Sienanın keçmiş Başyepiskopu Enea Silvio Pikkolomini keçdi. Yeni papa daha çox saray intriqalarını yaxşı anlayan siyasətçi və diplomat imici ilə məşhurlaşmışdı. O, demək olar ki, Avropanın hər yerini qarış-qarış gəzmişdi, yüksək təhsilə və siyasi diplomatik bacarığa malik idi. Lakin bütün bu üstünlüklərinə rəğmən II Piy, Avropanı gündən-günə daha artıq dərəcədə silkələyən Osmanlı sultanını durdura bilmirdi. II Piy diplomatik bacarıqlarını və siyasi əlaqələrini işə salaraq Avropada böyük anti-türk ittifaqı formalaşdırmağa çalışırdı. O, bu hədəfini gerçəkləşdirmək üçün Avropa monarxlarının konqresini çağırmaq niyyətində idi. 1458-ci il ok...
1 yorum
Ardı »

Başkeçiddə nə baş verir?

Başkeçiddə son iki gündə yaşananlar heç şübhəsiz ki, təəssüf doğurur. İlk baxışdan məişət zəminində baş verdiyi düşünülən toqquşmanın etnik-milli zəmində münaqişəyə çevrilməsində üçüncü qüvvələrin maraqlı olduğu heç şübhəsizdir. Hər halda hadisələrin gedişatı narahatlıq doğurur və Gürcüstan hökümətinin tez bir zamanda səbəbkar olan tərəfə layiqli cəza verəcəyinə ümid edirik. Lakin maraqlı məqam bu toqquşmanın baş verdiyi zamandır. Məhz bu səbəbdən yuxarıda da “məişət zəminində baş verdiyi düşünülən” ifadəsini qeyd etdim. Amma zamanlamaya keçməzdən əvvəl bir neçə cümlə qarşıdurmada iştirak edən svanlar barədə...
Yorum Gönder
Ardı »