Ana içeriğe atla

Bayramımız mübarək!


Düz 95 il öncə bütün Şərq dünyasında yeni bir ulduz parladı, Azərbaycan adlı... 
Türk-İslam dünyası ilk cümhuriyyətinin quruluşuna tanıqlıq etdi. Hürriyyət və İstiqlaliyyət eşqi ilə döyünən ürəklər, başlarının üzərində dalğalandırdığı Türklüyün, Müasirliyin və İslamın simqəsi olan ay uduzlu bayrağı şərəflə dünyaya tanıtdılar. 
Məmməd Əmin Rəsulzadə, Fətəli xan Xoyski, Nəsib bəy Yusifbəyli, Həsən bəy Ağayev, Əlimərdan bəy Topçubaşov, Xudat bəy Məlikaslanov, Xosrov bəy Sultanov, Xəlil bəy Xasməmmədov... Adlarını çəkə biləcəyimiz daha neçə belə onlarla ŞƏRƏFLİ KİŞİLƏR! Bu adlar Azərbaycanın istiqlaliyyətini dünyaya elan etdilər! Son nəfəslərinə qədər bir addım olsun belə öz inanc və ülkülərindən geri çəkilməyərək gələcək üçün bir körpü qurdular. Bizə əmanət olaraq qoyub getdikləri bu müqəddəs bayrağın bir daha təkrar dalğalanacağına və tarixin yaddaşında özünə əbədi bir yer edəcəyinə əsla şübhə etmədilər!
Bu gün - 2013-cü ildə, müstəqil Azərbaycanda dövlətimizin quruluşunun 95-ci ildönümüdür! Başımızın üstündə, 1918-ci ildən bu günədək canlarını fəda etmiş minlərlə şəhidin al qanını, minlərlə qazinin haqqını özünə hopduraraq müqəddəs əmanətə çevrilən həmin üçrəngli bayraq dalğalanır! Və dalğalanacaq! Çünki “Bir kərə yüksələn bayraq, bir daha enməz!”.
BAYRAMIMIZ MÜBARƏK! DÖVLƏTİMİZ QUTLU OLSUN!

Yorumlar

Yorum Gönder

Bu blogdaki popüler yayınlar

Salam, Azərbaycan əsgəri!

B u gün bütün dünyanın gözü qarşısında sənin rəşadətin və hünərinlə yeni tarix yazılmaqdadır. Bu tarix - son iki yüz illik ağrı acılarımıza bir məlhəmdir sanki. Işğaldan azad etdiyin hər kənd, hər qəsəbə, hər şəhər natamam olan bütünlüyümüzün yaralı hissələridir. Bu yaraları sağaldacağıq, mütləq sağaldacağıq, təki sən şəhid qanı ilə yoğrulmuş üç rəngli bayrağımızı Qarabağın hər qarışında vüqarla dalğalandır. Xocalıda ləkə vurulmuş namusumuzu qanın, canın bahasına təmizləyən Azərbaycan əsgəri! Bizim hər birimizin Azərbaycan adlı bir sevdası var. Bu sevda haqqında qanı ilə dastan yazan sənsən. Sən canından can verdin vətənə, Vətən oldun. Yüz illər əvvəl, dünyanın dörd bir yanında qılıncının hökmü ilə haqq və ədalətin yer üzündəki kölgəsi olmuş şəhid və qazi babalarının yolu ilə gedən Azərbaycan əsgəri! Qadir Mövlam yar və yardımçın olsun! Haqq bizimlədir! Haqq sənsən!!!
Yorum Gönder
Ardı »

Dədəvənk məbədi

Dağlıq Qarabağ ərazisi Azərbaycan xalqının, Azərbaycan türklərinin ulu əcdadları olan xristian albanların orta əsrlərdə inşa etdikləri xristian məbədləri ilə zəngindir. İstər bu məbədlərin arxitekturası, istərsə də oradakı xaçqarlar bütün elementləri ilə bu tikililərin birmənalı olaraq bizə məxsus olduğunun ən bariz göstəricisidir. Bəlkə də ona gördəir ki, 30 illik işğal dövründə Qarabağ ərazisində olan bütün alban-xristian məbədlərinin arxitektur quruluşlarının dəyişdirilməsinə səy göstərilmiş, divarlara həkk edilmiş yazılar pozdurulmuş, oradakı xaçqarlar hay-qriqorian kilsəsinin xaç elementləri ilə əvəz edilmişdir. Heç şübhəsiz ki, bu tarixi abidələrimiz bizim şanlı keçmişimizin – Albaniya dövlətinin mirasıdır və onlar hamısı bərpa ediləcək!
Yorum Gönder
Ardı »

Başkeçiddə nə baş verir?

Başkeçiddə son iki gündə yaşananlar heç şübhəsiz ki, təəssüf doğurur. İlk baxışdan məişət zəminində baş verdiyi düşünülən toqquşmanın etnik-milli zəmində münaqişəyə çevrilməsində üçüncü qüvvələrin maraqlı olduğu heç şübhəsizdir. Hər halda hadisələrin gedişatı narahatlıq doğurur və Gürcüstan hökümətinin tez bir zamanda səbəbkar olan tərəfə layiqli cəza verəcəyinə ümid edirik. Lakin maraqlı məqam bu toqquşmanın baş verdiyi zamandır. Məhz bu səbəbdən yuxarıda da “məişət zəminində baş verdiyi düşünülən” ifadəsini qeyd etdim. Amma zamanlamaya keçməzdən əvvəl bir neçə cümlə qarşıdurmada iştirak edən svanlar barədə...
Yorum Gönder
Ardı »